He mea hira te toiora whānau mō ngāi Māori – Media release
12 July 2023
I te tau 2018, tata ki te 3 i roto i te 4 Māori (74 ōrau) i kī ko tō rātou toiora whānau tētahi mea nui, ā, neke atu i te 9 i roto i te 10 Māori (92 ōrau) i kī, he mea hira te hauora o te taiao māori ki a rātou, he tino hira rānei, e ai ki a Tatauranga Aotearoa Stats NZ i te rā nei.
“He wā hira te eanga o Matariki rāua ko Puanga mō te whānau kia huihui tahi, kia whakawhanaunga ki a ratou anō me te whenua. Ka tukua te Mātauranga Māori mā roto i te whānau, i a rātou e mahi tahi nei i ētahi mahi mō te taiao. Kei ngā raraunga o Te Kupenga 2018 ka kitea te hira o te whanaungatanga me te kaitiakitanga mō ngāi Māori,” e ai ki te kaiwhakahaere tauanga toiora, whare hoki ki a Ben Faulks.
“I Te Ao Māori, he mea torowhānui te toiora, ā, ka kapi i roto ko te hauora ā-tinana, ā-hinengaro, ā-wairua, ā-whānau, ā-taiao anō hoki. Ka whakaatatia tēnei i roto i te raraunga, i te noho tahi o te toiora whānau me te tautoko pāpori, te hauora tinana me te hauora hinengaro, i waenga hoki i te whānau me te taiao.”
Visit our website to read this news story in English and in Te Reo Māori :
