Source: MIL-OSI Submissions
Mō te toiora – he mea hira te tangata me te takiwā mō ngā kāinga noho Māori
26 August 2021
He kaha kē ake te puta o ngā hua papai mō ngā Māori i noho tata ki tō rātou marae tūturu, ko rātou hoki te rangatira o te taitara o tō rātou whare, tēnā i te hunga i noho i tawhiti. Ahakoa tērā, he kaha kē atu te pā o ngā taumahatanga ōhanga ki a rātou, e ai ki te kōrero a Tatauranga Aotearoa i tēnei rā.
I whakaputaina ētahi mōhiotanga hou mō te kāinga noho me te toiora Māori i te rā nei i Te Pā Harakeke – Māori housing and wellbeing 2021, e whakahiato nei i ngā raraunga mai i te Tatauranga, te Uiuinga Pāpori Whānui me Te Kupenga (Te Uiuinga a Tatauranga Aotearoa mō te Toiora Māori).
“Hei takoha te whāinga whare tōtika mō te oranga kikokiko, hinengaro hoki, engari ki te tini o ngāi Māori kāore e mutu noa i te whāinga whare hei whakamarumaru. Ko tētahi mea nui ki a rātou kia hono ki te tangata, ki te wāhi – ki tō rātou whakapapa,” e ai ki te pouwhakahaere tatauranga mahi, whāinga rawa, toiora hoki, ki a Sean Broughton.
Visit our website to read this news story and report and to download CSV files:
