Source: New Zealand Government
Tōia mai te waka, ki te urunga te waka, ki te moenga te waka, ki te takotoranga i takoto ai te waka!
Creating jobs and boosting incomes is at the heart of a renewed Government Māori economic growth plan, Māori Development Minister Tama Potaka says.
“Today, the Government is releasing the ambitious Going for Growth with Māori | Tōnui Māori framework to boost Māori economic development.
“The framework has three main prongs: increasing infrastructure investment, accelerating exports and unlocking the potential of whenua Māori. This may expand or change in the future.
“The Māori contribution to the overall economy is growing fast, from $17 billion GDP in 2018 to $32 billion in 2023, and almost doubling in valued asset base. However, it continues to suffer from infrastructure deficits, barriers to accessing finance, and unproductive land laws.
“To address this, we will work together across Government and connect to the Government’s broader Going for Growth agenda. That’s why the Going for Growth with Māori | Tōnui Māori framework has an initial focus on three key areas:
- Increasing targeted infrastructure investment to drive employment and sustainable growth.
For example, investment in Parininihi ki Waitōtara incorporation to accelerate work exploring the potential of a large-scale solar farm, capable of supplying over 8,500 homes. And the recent mahi tahi between the Government and Māori leaders at the Investment Infrastructure Summit. - Accelerating Māori business exports.
For example, establishing a means to recognise traditional knowledge in the IP system that protects Māori point of difference and property rights. - Unlocking the growth potential of whenua Māori.
For example, making targeted improvements to Te Ture Whenua Māori Act 1993 to simplify planning and related processes, encourage greater development opportunities and reduce red tape.
“To progress this mahi, Te Puni Kōkiri has released a public discussion document to encourage ideas and feedback on improving Te Ture Whenua Māori Act 1993.
“Māori land is often under-utilised, so we intend to make the Act more efficient, streamlined, and easier to navigate, with the aim of removing legislative barriers to economic development.
“It’s important that we hear from Māori landowners, whānau, hapū and iwi about these changes and I really encourage people to provide their feedback.”
Going for Growth with Māori | Tōnui Māori has been released alongside a discussion document for public consultation on proposed changes to Te Ture Whenua Maori Act 1993.
The discussion document is available on the Te Puni Kōkiri website. Consultation closes on May 23 2025.
Ko te whāinga a te mahere whakatupu ōhanga Māori he whakarea i ngā tūranga mahi me ngā whiwhinga utu
Tōia mai te waka, ki te urunga te waka, ki te moenga te waka, ki te takotoranga i takoto ai te waka!
Kei te ngako o te mahere whakatupu ōhanga Māori a te Kāwanatanga hou ko te waihanga tūranga mahi hou me te whakapiki ake i ngā whiwhinga utu, te kī a te Minita Whanaketanga Māori Tama Potaka.
“Nō te rangi nei, e whakarewa ana te Kāwanatanga i te anga pae tawhiti Going for Growth with Māori | Tōnui Māori hei hiki ake i te whanaketanga ōhanga Māori.
“E toru ngā marau matua o te anga: ko te whakapiki i te whakapaunga ki te hanganga, ko te whakahohoro ake i ngā hokotai, me te huaki i te pitomata o te whenua Māori. Ka whānui ake, ka rerekē rānei tēnei ā ngā tau e tū ake nei.
“Kua tere te piki haere o te takoha a te iwi Māori ki te ōhanga katoa o te motu, mai i te $17 piriona GDP i te tau 2018 ki te $32 piriona i te tau 2023, ka mutu, i tata tonu te whakatōpūtanga o te uara o te puna rawa. Heoi anō, nā te korenga o ētahi o ngā āhuatanga hanganga e tika ana, mai i ngā tauārai aukati pūtea tatū atu ki ngā ture whenua hua kore, kei te raru tonu, kei te raru tonu.
“Hei whakatikatika i tēnei, ka mahi tahi mātou puta noa i te Kāwanatanga me te tūhonohono ki kaupapa whānui a te Kāwanatanga Going for Growth . Koia te take e aro tuatahitia ana te anga Going for Growth with Māori | Tōnui Māori ki ngā wāhi matua e toru:
- Te whakapiki ake i te whakapaunga pūtea ki te hanganga hei kōkiri i te whakapikinga o ngā tūranga mahi me te whakapūmautanga o te whakatupuranga.
Hei tauira, ko te whakapaunga pūtea ki te kaporeihana o Parininihi ki Waiotōtara ki te whakatere ake i ngā mahi tūhura i te pitomata o te pāmu kōmaru nui tonu, e āhei ana ki te whāngai hihiko ki ngā kāinga neke atu i te 8,500. Me te mahi tahi o nā noa nei i waenga i ngā manukura o te Kāwanatanga me te iwi Māori ki te Hui Taumata mō te Whakapaunga Pūtea Hanganga. - Te whakatere ake i ngā hokotai pakihi Māori.
Hei tauira, ko te whakaritenga o te ara hei āhukahuka i te mātauranga o neherā ki te pūnaha IP hei whakamarumaru i ngā tūāhuatanga ahurei me ngā motika rawa o te Māori. - Te huaki i te pitomata tupuranga o te whenua Māori.
Hei tauira, ko ngā whakatikatika i arotahitia ki Te Ture Whenua Māori 1993 ki te whakangāwari i ngā hātepe me ngā tukanga whai pānga, te whakatenatena i ngā arawātea whakawhanake, me te whakamarino i ngā wai karekare o te hunga kātipa.
“Hei kauneke haere i tēnei mahi, kua whakaputaina e Te Puni Kōkiri te tuhinga matapakinga mā te iwi whānui hei whakatenatena i ngā ariā me ngā urupare e pā ana ki te whakapaitanga ake i Te Ture Whenua Māori 1993.
“He nui ngā wā kāore i kaha te whakamahia o te whenua Māori, nō reira ko tō mātou koronga kia pai, kia kakama ake te whakahaere, kia ngāwari ake hoki te whakatere, me te whai kia whakakorea ngā tauārai ā-ture ki te whakawhanaketanga ā-ōhanga.
“He mea nui kia rongo mai mātou i ngā kaipupuri whenua Māori, ngā whānau, ngā hapū me ngā iwi i ngā kōrero mō ēnei huringa, ka mutu, kei te tino whakamanawa au i ngā tāngata ki te whakahoki mai i ā rātou kōrero urupare.
Kua whakaputaina ko te Going for Growth with Māori | Tōnui Māori ki te taha o te tuhinga matapakinga mō te rūnanga tūmatanui e pā ana ki ngā huringa ki Te Ture Whenua Māori 1993 kua whakatakotoria.
E wātea ana te tuhinga matapakinga ki te paetukutuku o Te Puni Kōkiri. Ka kati te matapakinga ā te 23 o Haratua, 2025.
