Source: New Zealand Government
Kua tū te haka a Tāne Rore me ngā mahi a Hine Rēhia!
The world’s greatest kapa haka event will generate a significant boost for businesses in Taranaki, Arts Minister Paul Goldsmith and Māori Development Minister Tama Potaka say.
Minister Potaka attended Te Matatini o Te Kāhui Maunga 2025 opening pōhiri at Yarrow Stadium in Ngāmotu – New Plymouth on 24 February. From Tuesday 25 February to Saturday 1 March, 55 groups will perform on stage in the Bowl of Brooklands at Pukekura Park to a large in-person audience and an expected 2.5 million viewers on TV or online.
“It was a beautiful pōwhiri to welcome this great event to the rōhe under the gaze of Te Kāhui Tupua – Taranaki Maunga,” Mr Potaka says.
“We’re here witnessing the Olympics of kapa haka. Tens of thousands are expected here this week and will bring tens of millions into the local economy. This means a boost for a range of businesses including accommodation providers and restaurants.
“The significance of kapa haka to Te Ao Māori is something we value deeply, especially since the rise of the waiata-ā-ringa form with Tā Apirana Ngata. It also gives us the great gift of protecting and revitalising our reo.
“After much hard preparation and practice, bringing an event of this scale together requires a significant effort from many people from many backgrounds coming together for the benefit of all.”
“As part of Budget 2024, the Government announced $48.7 million for Te Matatini over three years, backing the ongoing development of kapa haka events including this one for all New Zealanders to enjoy,” Mr Goldsmith says.
“The funding helps enable Te Matatini to embed a regional kapa haka model, allowing communities to decide how they want to grow kapa haka. It also supports Te Matatini to create this great biennial national festival.
“My thanks to all those whose hard mahi has helped to make this year’s event a success we can all enjoy.”
In 2023, the Te Matatini event in Auckland was attended by more than 70,000 people. The economic contribution to Auckland as a result of the festival was at least $22 million.
Minister Goldsmith will be attending the event on Friday and Saturday.
Hikitia ana ngā pakihi o Taranaki e Te Matatini
Kua tū te haka a Tāne Rore me ngā mahi a Hine Rēhia!
Ka kaha hikitia ngā pakihi o roto o Taranaki i te taumāhekeheke kapa haka mutunga mai o te ao, te kī a te Minita Toi a Paul Goldsmith rāua ko te Minita Whanaketanga Māori a Tama Potaka.
I tatu atu a Minita Potaka ki te pōhiri whakarewa i Te Matatini o Te Kāhui Maunga 2025 i tū ki Te Taiwhanga Hākinakina o Yarrow – ki Ngāmotu i te 24 Huitanguru. Mai i te Rātū 25 Huitanguru ki te Rāhoroi 1 Poutūterangi, e tū te 55 ngā rōpū ki te haka i te haka a Tānerore, me te mahi i te mahi a Hine Rehia ki te papa tūwaewae i te Oko o Brooklands ki Te Papatākaro o Pukekura ki mua i te aroaro tonu o te iwi nui i reira me tētahi 2.5 miriona kaimātakitaki anō ki runga i te pouaka whakaata, te ipurangi rānei.
“Kātahi te rerehua o te pōhiri hei tāwhiri mai i tēnei huihuinga whakahirahira ki roto i te rohe i raro i te mātaitanga o Te Kāhui Tipua – a Taranaki,” te kī a Minita Potaka.
“Ko te taumāhekeheke Orimipia tēnei o te ao kapa haka ka mātakitia ai e tātou. Ka tae mai ko te tini mano o te tāngata ki konei i tēnei wiki, oti rā, ka mauria mai anō hoki te tini miriona tāra ki te ōhanga ā-rohe. Ko te hua o tēnei ka hikitia ngā momo pakihi huri noa te rohe tae atu ki ngā whare noho, ngā kaiwhakarato me ngā wharekai.
“Kāore i tua atu, kāore i tua mai i te hiranga a te kapa haka ki Te Ao Māori nō te hāpaitanga ake o tēnei momo āhua o te waiata ā-ringa nā Tā Āpirana Ngata. He taonga nui te kapa haka e whakamarumaru ana, e whakarauora ana hoki i tō tātou reo rangatira.
“I muri i te mahi nui o te takatū me te whakawai, kātahi te mahi nui ko te whakaritenga o te taiopenga pēnei te nui, me tini tonu ngā tāngata e whakapau kaha tahi ana mā te katoa ngā hua.”
“Hei wāhanga o Te Tahua 2024, i pānuitia e te Kāwanatanga ko te $48.7 miriona i roto i te toru tau, hei tautoko i te haerenga tonutanga o te whanaketanga o ngā huihuinga kapa haka tae atu ki tēnei hei whakangahautanga mā ngāi Aotearoa katoa,” te kī a Minita Goldsmith.
“He mea āwhina te pūtea tautoko i Te Matatini ki te whakatinana i te tauira kapa haka ā-rohe kia āhei ai hoki ngā hapori ki te whakatau i tā rātou ake huarahi whakatipu i te kapa haka i tō rātou rohe. Hei tautoko hoki i Te Matatini ki te whakahaere i tēnei taiopenga nui whakaharahara ā-motu i ia rua tau.
“Nei aku mihi ki te katoa i whakapeto ngoi kia eke panuku ai te taumāhekeheke i tēnei tau e tūrangahakoa ai tātou katoa.
I te tau 2023, i tae atu te 70,000 tāngata neke atu ki Te Matatini i tū ki Tāmaki Makaurau. He neke atu i te $22 miriona te nui o te hua ā-ōhanga i whakawhiwhia ki te tāone nui o Tāmaki Makaurau mai i te taiopenga i taua tau.
Ka tae atu a Minita Goldsmith ki te whakataetae ā te Rāmere me te Rāhoroi.
