Kua whakakitea e ngā uepū Māori tō rātou ū ki te kaitiakitanga hei urupare ki te panonitanga huarere – Media release
7 September 2022
Neke atu i te haurua o ngā umanga Māori i whai i ētahi mahi hei urupare ki te panonitanga huarere i roto i ngā tau e rua ka hipa ake nei, kia whakaritea ki te hautoru anake o ngā umanga katoa o Aotearoa, e ai ki a Tatauranga Aotearoa i te rā nei.
I uia ētahi umanga e te Business Operations Survey a Tatauranga Aotearoa mō 2021 mō ngā pānga a te panonitanga huarere, me ā rātou urupare (tirohia Ngā puna raraunga).
Ko te pūtake matua mō te whāinga i ētahi mahi e pā ana ki te panonitanga huarere ko ngā tono mai i te tira whakahaere, i te poari, i ngā kaimahi, mō tētahi 57 ōrau o ngā uepū Māori.
Waihoki, e rua ngā uepū Māori i roto i te rima i kī, i whāia e rātou aua mahi nā te mea kua pā mai ngā hua kikokiko o te panonitanga huarere ki a rātou.
Visit our website to read this news story and information release or to download CSV files:
