Post sponsored by NewzEngine.com

Source: New Zealand Government

Nā te Minita Manatū Taonga, a Carmel Sepuloni ngā kōrero i tuku i tēnei rangi mō  te wāhanga tuatahi o te tononga pūtea Hinonga Toi, tētahi tahua pūtea hei tautoko i ngā whakaaro taikaha o te ao toi.

Ko te hōtaka hinonga nei e tukua atu ana mā ētahi hui kua tapaina ki te ingoa, Te Urungi: Innovating Aotearoa, e horapa haere ana puta noa i ngā takiwā o te motu.

“Ka tika hoki mā Te Urungi: Innovating Aotearoa e whai wāhi ai tatou kia whakarerekē i ngā āhuatanga o te tuku pūtea – mā tētahi ara tautoko, ara mahi ngātahi hoki.“

“Ko tētahi wāhanga o te pūtea $374M, te Hōtaka Ora i te Mate Korona a te Kāwanatanga he tautoko i ngā hinonga mahi i ngā toi, te ahurea me ngā taonga i Aotearoa” tā Carmel Sepuloni. “Ka tautokohia tēnei kaupapa i te hapori toi kia panoni, kia ora hoki.

“Kei te rongo au i ngā whakaaro auaha e puta ana i ngā tangata e hīkaka ana ki ngā mahi toi, te ahurea me ngā taonga. Mā tēnei pūtea e whai hua mai ai ērā whakaaro me te manawaroa hoki.”

“Mā tēnei tahua pūtea hoki e tautoko ngā rōpū ki te mahi tahi ki te whakarite i ngā ratonga toitū me te turaki i ngā tauārai ki ngā wāhi mahi mō te katoa.

“Ko Te Urungi: Innovating Aotearoa tētahi kaupapa tōai e tū ana i ngā rohe puta noa i te motu.”

“I ngā rā e rua me te haurua o te hui ka tautokohia ngā kaiuru a Te Urungi, ngā kaihāpai me ngā mātanga ki te wherawhera i ō rātou whakaaro. Hei te mutunga o ia hui, ka tukuna atu ngā pūtea me ngā ratonga tautoko ki ngā hinonga whakaihu waka.”

“Kei te tautoko hoki i ngā kaupapa e tiaki ana i te mātauranga Māori me te poipoi i te pitomata o tēnei ahurea taketake.”

Ko te whāinga a Te Urungi he poipoi i tētahi taiao toitū e kaha nei te tautoko i te tūhuratanga i ngā ratonga tika mō te ao toi, te ahurea me ngā taonga mō te oranga o tēnei Tononga Pūtea, haere ake nei.” Tā Carmel Sepuloni.

“Ko Te Urungi te ingoa o tēnei kaupapa, he aronga ki te urungi i te waka hourua. Mā tēnei hoe ngā waka eke moana e ārahi, e koke pū ki te taunga e tika ana. Ka tika hoki tēnei kupu whakarite hei tohu i te haerenga ngātahi a te tira”

“Kei te tūwhera te rēhita ki ngā tīma me ngā tangata e mahi ana i te ao toi, te ahurea me ngā taonga, oti rā, ngā hapori, ngā kaimahi hangarau, me ētahi atu. Kei te hiahia mātou kia rongo kōrero i ngā tangata kua whakaarohia ētahi kaupapa hinonga whakatipu i te toitūtanga, te urutanga, ngā kaupapa arumoni rānei i waenga i te hunga mahi toi.”

Kanohi-ki-te-kanohi – Te Urungi: Ka tū ētahi hui i te motu whānui, ā, timata ai i Te Whanganui-a-Tara hei te 30 o Paengawhāwhā ki te 2 o Haratua. Ka tū hoki ētahi hui ā-ipurangi, ā, ko te tuatahi ka tū hei te 12 o Haratua. Ka puta ngā pānui mō ēnei kaupapa a te wā ka taunakitia ngā whakaritenga.

MIL OSI