Post sponsored by NewzEngine.com

Source: New Zealand Government

 

Minister for Māori Development and Associate Minister of Housing Hon Nanaia Mahuta congratulated whānau from Bridge Pa, near Hastings for their vision of building  homes on their ancestral land.

Te Puni Kōkiri invested $376,661 towards infrastructure costs to assist the Ākarana Sarah Whānau Trust with their seven home papakāinga development near Bridge Pa, Hastings.

“Their vision is to live in a whānau oriented community, on ancestral land, in a community that supports Māori achievement through sustainable healthy living and education,” says Nanaia Mahuta.

The papakāinga needed power and telecommunication services and an internal roadway to connect the homes. Whānau will own and build their own homes and are now well on the way to achieving this vision.

“Papakāinga combine the space where identity, whakapapa and whenua come together and provide opportunities for whānau to live as a community according to kaupapa Māori, ensuring knowledge and whakapapa are passed on to the next generation.

”A strong and thriving cultural identity is essential to sustainable social and economic development within our whānau and communities,” said Nanaia Mahuta.

The whānau will celebrate the completion of the papakāinga and their new internal roadway Nukunoa Lane with an official opening and blessing today. 

 

                                                                 

Ka whakamānawati te Minita i te whānau o Ākarana Sarah mō ā rātou whare  

 

I rere te kupu whakamānawati a te Minita Whanaketanga Māori, te Minita Tuarua hoki o ngā Whare a Nanaia Mahuta ki te whānau o Bridge Pā, pātata ki Heretaunga, ki tō rātou wawata hoki o te hanga whare ki runga i te whenua tuku iho o ō rātou mātua tupuna. 

I whakapau Te Puni Kōkiri i te $376,661 ki te whakamāmā i ngā utu hanganga, hei āwhina i te Poari Kaitiaki o te Whānau Ākarana Sarah i te whanaketanga o tō rātou papakāinga me ōna whare e whitu, pātata ana ki Bridge Pā, Heretaunga. 

“Ko tō rātou wawata “ko te noho ki roto i tētahi hapori e aro nui ana ki te whānau, ki runga i te whenua o ngā mātua tīpuna, i te hapori e kaha tautoko ana i te ekenga panuku a te Māori mā te whakaritenga o ngā ara pūmau hou e noho ora ai, e whai mātauranga ai hoki te hapori ā haere ake nei” te kī a Nanaia Mahuta. 

I mua rā kāore he hiko, kāore he ratonga waea, kāore hoki he ara ake o te papakāinga hei honohono i tēnā kāinga ki tēnā kāinga. Mā tēnā, mā tēnā whānau e hoko, e hanga hoki ō rātou ake kāinga, me kī kua tino mārō te haere ki te whakatutukinga o tēnei wawata. 

“He marae te Papakāinga e whakakotahi ana i te tuakiri, i te whakapapa me te whenua ki te whakarite ara hou kia pai ai te noho ā-hapori a ngā whānau, i runga i te kaupapa Māori, e mātua whakarite ana ka heke te mātauranga, otirā te whakapapa ki ngā whakatipuranga e whai ake nei. 

“He mea nui te tuakiri ā-ahurea ki te whakapūmautanga o te whanaketanga ā-pāpori, ā-ōhanga i roto i ngā whānau, ka mutu, i roto i ngā hapori,” te kī a Nanaia Mahuta. 

Ka whakanuia te whakatutukinga o te papakāinga, o tā rātou ake ara anō hoki ko Nukuroa Lane, ki tētahi whakaterenga ōkawa, tētahi whakapai hoki ā te Rāhoroi te 27 o Paengawhāwhā 2019.  

 

MIL OSI